WordPress - Grunnur

Einföld vefsíða

"WordPress - Grunnur" er stutt, en hnitmiðað námskeið þar sem farið er yfir alla helstu þætti WP. Farið er vel yfir bakenda kerfisins og þær stillingar sem þar er að finna svo og muninn á síðum (e. pages) og færslum (e. post), viðbætur (e. plugings), útlit og fleira. Ekki er gert ráð fyrir að nemendur hafi neina reynslu af vefhönnun né hafi komið að gerð vefsíða áður. Námskeiðið byggir mikið á verkefnum ásamt stuttum fyrirlestrum og þurfa nemendur því að gefa sér góðan tíma á milli kennslustunda. Öll námskeið fara fram í litlum hópum og eru helst ekki fleiri en átta manns í einu.

Námskeiðið hentar vel:

Námskeiðið er ætlað þeim er vilja kynna sér WordPress og þekkja muninn á fram og bakenda, hvað sé þema, viðbætur og fleira. Á námskeiðinu er farið í að setja WordPress upp á vinnustöð viðkomandi en þá er hægt að prófa sig áfram meðan verið er að læra á kerfið.

Inntökuskilyrði:

Almenn tölvuþekking

Vélbúnaður:

Nemendur þurfa að mæta með eigin fartölvu á námskeiðið. Tegund vélbúnaðar skiptir ekki máli né hvort um sé að ræða PC (Windows) eða MAC (MAC OSx). Vélar þurfa þó að vera uppfærðar og helst með nýlegt stýrikerfi.

Vefsíður:

Boðið er uppá vefsvæði þar sem hver og einn nemandi vinnur í sínum bakenda og stjórnar þar með sínu vefsvæði. Nemendum er frjálst að notast við sinn eigin vef hafi þeir þannig aðgang. Ekki er þó mælst til að nemendur séu að breyta, setja inn og taka út efni á lifandi vef. Lifandi vefur gæti verið heimasíða fyrirtækis, vefverslun eða
sambærilegt sem nú þegar er í rekstri.

Að loknu námskeiði:

Að námskeiði loknu eiga nemendur að þekkja helstu hugtök, mun á fram og bakenda ásamt því að geta sett inn nýjar færslur,  útbúið síður eða breytt eldra efni.

Farið er yfir eftirfarandi atriði á námskeiðinu:

  • Netgrunnur – Skýrt er hvað er hýsing, staðbundin uppsetning, lén og stjórnkerfi (cPanel).
  • Geta sett upp staðbundna útgáfu af WP.
  • Hver sé munurinn á fram og bakenda WP.
  • Hvað er þema og hvernig því er skipt út fyrir annað.
  • Hvað er innbyggt í kerfið og hvað eru viðbætur ásamt því hvar þær eru virkjaðar.
  • Að velja staðsetningar fyrir stjórnstiku og efni.
  • Hver sé munurinn á færslu og síðu.
  • Að geta sett inn síður, færslur, myndir og fleira.

Lengd námskeiðs:

14 klukkustundir (22 kennslustundir)

Verð:

Hafðu samband - Smellið hér.

WordPress – Lýsing

WordPress er eitt vinsælasta vefumsjónarkerfi eða efnisstjórnunarkerfi í dag. Óháðar mælingar sína að ein af hverju fjórum nýjum heimasíðum séu gerðar í WP. WordPress kom fyrst fram um aldarmótin síðustu sem lausn fyrir almenning til að koma sínu efni á framfæri í formi færslna eða að “Blogga”. Mikið vatn hefur runnið til sjávar síðan WP kom fyrst út og á fátt sameiginlegt með forvera sínum. Fjölmörg stórfyrirtæki, stofnanir, borgir og bæir nýta sér WordPress til að koma sínum upplýsingum á framfæri.

Scroll to top